ZUBISALTOAREN HISTORIA

1970 hamarkadaren hasiera. Annecy ingurua, Frantzia. Helmut Kiene izeneko eskalatzaileak Les Usses ibaiaren gaineko zubietako batean bere soka lotu eta bestetik salto egin zuen. Bi zubi hauen artean 50m inguru daude, eta luzera bereko pendulo ikaragarria egin zuen. Jarduera berri eta beldurgarri honi Kiene-ren pendulua izena eman zitzaion, espainiarrek puénting izen hibridoa asmatu zuten, abentura kirol batzuren izen ingelesarekin jokatuz (goming, trekking, jogging, footing...). Euskaraz, guk zubisaltoa edo zubijauzia izenak asmatu eta erabiltzen ditugu.

Urte beretsuetan Ingalaterran "Dangerous Club" izeneko taldekoek goma erabiliko zuten Thames ibaiaren zubietatik salto egiteko eta San Frantziskoko Golden Gatetik ere antzeko saltoak egin ziren, bertikalean. Beste jarduera honek honako izena jasoko du: Goming, Benji, Benji Jumping, Bungy edo Bongi. Ez zubisaltoarekin nahastu.